‏ولكن لا تتعب والتعب ما هو بمخلوف
‏ولا تسمع عذايل كل عاذل ومتشرّه
ظافر بن فرحان، شاعر تعرفه الكلمة العذبة جيدًا، يلامس المشاعر ببساطته.. يكتب إحساسًا آخر كما في هذا النص الذي خص به “الرياضية”..
‏يقولون لا تلحق جميلك ندم وحسوف
‏ولا تحقره لا وانّه أصغر من الذره
‏مصيره لا لحقك في زمانك صلف وصدوف
‏يوقف رحاة الوقت لا جتك مفترّه
‏ولكن لا تتعب والتعب ما هو بمخلوف
‏ولا تسمع عذايل كل عاذل ومتشرّه
‏ترى أعمى البصيرة لو هو يشوف ما بيشوف
‏جميلك لو إنه عنده أكبر من الحرّه
‏من أول نخاف إنّا نتردّى وصار الخوف
‏من اللي جِملنا في بعضهم مية مره
‏وهالحين ماحنّا ندور جزاء المعروف
‏نبي يجحد المعروف ويفكنا شرّه